نفسي ألمسك
..........
تلمس صوابعي كف إيدك
تجري وتطبط عليك
أحارب الدنيا واجيلك
وأدفن صوابعي ببن اديك
..............
عطشانة للمسة كماء السلسبيل
مش أي لمسة تكون مكانك او بديل
ولا أي لمسة تروي عطشي أو تزيل
حرماني كله أو تشيل منه القليل
.........
نفسي ألمسك
تجري صوابعي فوق جبينك
وتحس ف المسة بحنينك
تنزل شوية لجفن عينك
تسدل رموشك وتناجيك
............
نفسي ألمسك
ويحس جلدك بالحنين
واللحظة هتعادل سنين
سعادة خالية من الأنين
كل الحروف فيها رنين
...........
نفسي المسك
💓💓💓 لمسة تدوم
زي السما من غبر غيوم
اللحظة فيها بألف يوم
..........
نفسي ألمسك كده فيالحقيقة
نفسي ألمسك لمسة رقيقة
لمس الشواطئ م الغريقة
💓 العمر كله مش دقيقة
بقلمي
الشاعرة ناهد الموجي
الأحد، 30 ديسمبر 2018
نفسي ألمسك....بقلم الشاعرة ناهد الموجي
الاشتراك في:
تعليقات الرسالة (Atom)
ليست هناك تعليقات:
إرسال تعليق