عشك معدان
عشكتك أنه مو جلمة عشك
بس كالها الساني
عشكتك يالصفيت
بوسط كلبي وبين وجداني
يالغيرت حالي لحال
كبلك جنت وحداني
ياليحبك عسل
مصنوع رباني
ياليحبك طرب
يانغمة الحاني
شرد اكتب شوصفك
يعجز الساني
يابو احساس الرقيق
الما الك ثاني
يامعدن محنه وطيب
واحساس وانوثه وعشك
وبحبك صرت مجنون خلاني
خلط ماي وتراب
وخلق هاي الناس
بس انت بشكر
صنعاك رباني
يالجنك غزال وتمشي بين الناس
تعال ولا تخلي الروح
مجروحه
وتصير بهجرك الجاني
احكمني مؤبد بين الاضلوع
واقبل انت سجاني
اريد شفافك تحطها
على شفافي
سبيل وتروي الضاني
نغفه مشابك الذرعان
وانسه بحضنك احزاني
سهم رمشك جرحني
وعذباني
انه المجروح
مو حكي من ادور عالرماني
انه بشط العرب سباح
عجيبه شلون نهرك غركاني
عشكناكم عشك معدان
عطبه براسي جواني
بقلم سلام العبدالله
ليست هناك تعليقات:
إرسال تعليق